Rimeçi mes Anthony Joshuas dhe Andy Ruizit do të ndodhë sot me 7 dhjetor (e shtune). Shkruan Gazeta Projekti.
Boksieri amerikan i lindur në Meksikë, Ruiz shkaktoi njërën prej tronditjeve më të mëdha në histori të kategorisë së rëndë të boksit kur ia mori Joshuas titujt IBF, ËBO në Nju Jork,
i cili u bë meksikani i parë kampion i botës pasi e rrahu Joshuan duke e rrëzuar katër herë para se gjyqtari ta ndërpriste meçin në rundin e shtatë.
Joshua do ta ketë shansin të hakmirret për një prej disfatave më shokuese në histori të boksit.
Në një prononcim të shkurtër për portalin online, Gazeta Projekti, boksieri i famshëm shqiptar, Robin Krasniqi, ka parashikuar meqin e sontëm, duke e japë një analizë interesante.
“Sa i përket meqit të sontëm, mendoj se është një super meq apo lirisht mund të themi se është meqi i vitit, Joshua është sportist i madh unë e dua shumë, por, gjasat për fitore ai i ka të vogla sepse Ruiz është një kundërshtar i rrezikshëm”, ka thënë Krasniqi. Tutje ai analizon mënyren e luftës të cilën Ruiz mund të aplikoj duke shtuar gjasat për fitore me KO.
” Joshua në këtë përballje ka gjasa për fitore 45%, ndërsa Ruiz 55%, edhe pse Ruiz është i shkurt por është i rrezikshëm mund ta shfrytëzoj përparësin e duarve të gjata dhe dinamiken e tij, dhe mendoj se do të jetë një duel interesant”, ka thënë Krasniqi për portalin, Gazeta Projekti. Kujtojm se rimeqi, Joshua – Ruiz, zhvillohet sonte në Arabinë Saudite në fillim nga ora 22:00. //Gazeta Projekti//
