Instituti Hidrometeorologjik i Kosovës ka treguar se gjatë të shtunës, pritet të mbajë mot i vranët me reshje shiu dhe bore.
Temperatura minimale do të jetë -1 deri në 0 gradë Celsius, ndërsa maksimale 0 deri në 3 gradë Celsius.
Ndërkohë, të dielën do të jetë po ashtu mot i vranët, dhe me fjolla të dobëta bore.
“Të dielën mot i vranët dhe vende-vende me fjolla të dobëta bore Temperaturat minimale do të lëvizin ndërmjet -3 deri -1 gradë Celsius. Ndërsa maksimalet e ditës parashihen të lëvizin ndërmjet 0 deri 2 gradë Celsius. Do të fryjë erë e lehtë deri mesatare nga drejtimi i verilindjes dhe veriperendimit.” – thuhet në njoftimin e IHK-së.
