Kryeministri i Kosovës, Avdullah Hoti nesër pret në takim delegacionin nga Amerika, i cili udhëheqet nga nga Kryeshefi Ekzekutiv i Korporatës Ndërkombëtare të Financave dhe Zhvillimit në SHBA (DFC) Adam Boehler dhe emisari Richard Grenell, shkruan Gazeta Projekti. Por, kush është Adam Boehler i cili do udhëheqë delegacionin amerikan.
Siq mëson Gazeta Projekti Kryeshefi Ekzekutiv Adam Boehler shërben si Shefi i parë i Përgjithshëm Ekzekutiv i Korporatës së re të Zhvillimit të Financave Ndërkombëtare të SHBA (DFC). Ai u emërua nga Presidenti Trump dhe u konfirmua unanimisht nga Senati në 26 Shtator 2019.
Z. Boehler ka përvojë të gjerë në investime, sipërmarrësi dhe inovacione brenda dhe jashtë Qeverisë së SHBA. Më parë, ai udhëhoqi inovacionin e kujdesit shëndetësor për Shtetet e Bashkuara. Ai shërbeu si Këshilltar i Lartë i Sekretarit, Zëvendës Administrator i Qendrave për Shërbime Medicare & Medicaid dhe Drejtor i Qendrës së Inovacionit në Departamentin e Shëndetit dhe Shërbimeve Njerëzore të Sh.B.A (HHS). Në këtë rol, Z. Boehler mbikëqyri 600 njerëz të përqendruar në inovacionin në sistemin e kujdesit shëndetësor Amerikan për të krijuar rezultate më të mira për pacientët, komunitetet më të shëndetshme dhe për të ulur koston e kujdesit shëndetësor.
Para shërbimit të tij qeveritar, z. Boehler themeloi tre biznese të suksesshme dhe konsiderohej gjerësisht si një udhëheqës në sektorin e kujdesit shëndetësor dhe investimeve private. Kohët e fundit, ai shërbeu si CEO i Landmark Health, një kompani që ai themeloi dhe që ofron kujdes mjekësor gjatë gjithë ditës për pacientët e sëmurë kronikë në shtëpitë e tyre. Gjatë mandatit të z. Boehler, Landmark u bë grupi më i madh mjekësor me bazë në shtëpi në vend, me mbi 1,000 punonjës që shërbejnë në 80,000 pacientë. Kjo gjysmë e parë e karrierës së z. Boehler u përqendrua në investimet e brendshme dhe ndërkombëtare në Shtetet e Bashkuara dhe Izrael. Z. Boehler gjithashtu punoi për Komisionin Financiar dhe Fiskal në Afrikën e Jugut ku u përqendrua në avokimin për përgjegjësinë fiskale në provinca.
Z. Boehler lindi dhe u rrit në Albany, New York dhe fitoi diplomën e tij në Wharton School të Universitetit të Pensilvanisë. Ai është i martuar dhe ka katër fëmijë. www.gazetaprojekti.com
