Kandidati për kryeministër nga radhët e Lëvizjes Vetëvendosje, Albin Kurti ka nisur ditën e enjte në Podujevë.

I shoqëruar nga i pari i kësaj komune, Shpëjtim Bulliqi, Kurti ka shijuar kafen e mëngjesit në Llap.

Por Kurti nuk e ka thënë asnjë fjalë për videon që u publikua dje në media ku shihet se si Bulliqi e kap për fyti një qytetar.

Kurti pasi piu kafen e mëngjesit në Llap ku ishte i shoqëruar edhe nga gruaja e tij, para se të hypte në veturë për tu kthyer në Prishtinë, ju bëri thirrje që të dalin të votojnë ditën e diele, shkruan Reporteri.net.

Në Llap nuk ishte prezente Vjosa Osmani e cila e shoqëron Kurtin në çdo tubim të fushatës elektorale.