Kryetari i Komunës së Junikut, sot ka takuar drejtorët e shkollave ku kanë diskutuar për fillimin e vitit të ri shkollor, 2020-2021. Në këtë takim, u dakordua se shkollat në komunën e Junikut kanë bërë të gjitha përgaditjet duke dezinfektuar objektet, furnizuar me dezinfektues, material higjienik dhe janë të gatshme për fillimin e vitit shkollor sipas vendimit të cilin do e marr Qeveria në peputhje me rekomandimet e IKSHPK-së. Shkruan “Gazeta Projekti”
Komunikata e Plotë nga Komuna e Junikut:
Kryetari i Komunës së Junikut z.Agron Kuçi ka mbajtur takim konsultues me drejtorët e shkollave lidhur me fazën finale përgaditore për fillimin e vitit shkollor 2020-2021.
Kryetari Kuçi dhe drejtorët diskutuan mënyrat më të përshtatshme dhe funksionale të fillimit të procesit mësimor në këtë situatë pandemie globale, duke mirëpritur dhe respektuar vendimin e Qeverisë dhe Ministrisë së Arsmit për fillimin e vitit shkollor 2020-2021.
Shkollat në komunën e Junikut kanë bërë të gjitha përgaditjet duke dezinfektuar objektet, furnizuar me dezinfektues, material higjienik dhe janë të gatshme për fillimin e vitit shkollor sipas vendimit të cilin do e marr Qeveria në peputhje me rekomandimet e IKSHPK-së.
Personeli arsimor dhe nxënësit do të njoftohen me kohë nga faqja zyrtare e komunës së Junikut për çdo vendim që do merr Qeveria.
https://kk.rks-gov.net/junik/news/takim-me-drejtoret-e-shkollave-per-fillimin-e-vitit-shkollor-2020-2021/
Komuna Junik
