Kryeministri i Kosovës, Ramush Haradinaj, ka thënë se kërkon që të mbahet seancë e jashtëzakonshme më 3 Prill për shqyrtimin e Projektligjit për ndalimin e lojërave të fatit.

“Pas diskutimit dhe procesimit nga ana e Qeverisë për në Kuvendin e Kosovës të projektligjit për ndalimin e lojërave të fatit, sot e kam dërguar në Kuvendin e Kosovës, kërkesën për Seancë të jashtëzakonshme me datë 3 Prill 2019 për shqyrtimin e këtij Projektligji”, shkruan Haradinaj në rrjetin social Facebook.