Kryeministri i Kosovës, Albin Kurti, në një konferencë për media sot ka njoftuar se është kërkuar nga presidenca miratimi për kredi.

Ai njoftoj se ky vendim është marrë në mbledhjen e sotme të qeverisë.

“Nga mbledhja me korrespodencë e Qeverisë së Republikës së Kosovës, posa e miratuam vendimin për të kërkuar nga presidentja e Republikës së Kosovës për dhënien e autorizimit për nënshkrimin e marrëveshjes së kredisë ndërmjet Republikës së Kosovës, KOSTT-it pra dhe KFW-së për projektin e zhvillimit të sektorit të energjisë, përmirësimi i rrjetit të transmetimit”, deklaroi Kurti.

Ndërkaq nga zyra e kryeministrit kanë njoftuar se kjo marrëveshje siguron kredinë në vlerë prej 25 milion e 500 mijë euro.

“Miratimin e Qeverisë e ka marrë edhe vendimi për t’i rekomanduar Presidentes së Republikës së Kosovës që të autorizojë Ministrin e Financave, Punës dhe Transfereve që të nënshkruajë Marrëveshjen e Kredisë ndërmjet Republikës së Kosovës dhe KfW për projektin “Zhvillimi i Sektorit të Energjisë VII – Përmirësimi i Rrjetit të Transmetimit”. Marrëveshja siguron kredinë në vlerën prej 25.500.000,00 euro (njëzet e pesë milionë e pesëqind mijë euro)”, njofton ZKM-ja.