Disa fotografi të rralla të ish-ushtarëve të Ushtrisë Çlirimtare të Kosovës, janë duke qarkulluar në rrjetet sociale, shkruan Gazeta Blic.
Në këto fotografi është Adem Jashari, Kadri Veseli dhe Hashim Thaçi.
Kujtojmë që Adem Jashari është vra më 7 mars të vitit 1998 pas rrethimit që okupatorët serbë i bënë kullës së tij në Prekaz. Ndërkaq “Epopeja e UÇK-së” shënohet çdo vit për ta nderuar luftën heroike të komandantit Adem Jashari, sakrificën e familjes Jashari dhe nderimin e dëshmorëve dhe të rënëve për liri.
Sulmit ofensiv me artileri të rëndë i mbijetuan djali i Rifat Jasharit, Bashkimi, dhe vajza e Hamëz Jasharit, Besarta, e cila përjetoi tmerrin derisa vriteshin anëtarët e familjes së saj.
Ndërkohë, në Prekaz, pranë kompleksit memorial sot është zbuluar mozaiku i komandantit legjendar Adem Jashari.
