Votoi bashkë me bashkëshortin e saj në Qendrën e Votimit në Fakultetin Teknik në Prishtinë, por kandidates për deputete Besa Luzha, në listën e rezultateve i figuron se ka marrë vetëm një votë.
Luzha, e cila garoi në listën e koalicionit AAK-PSD, është e bindur se të paktën dy vota i kishte të sigurta në vendvotimin 1907E, raporton KTV.
Për këtë, kërkon sqarime nga Komisioni Qendror i Zgjedhjeve.
Luzha shprehet e shqetësuar me akuzat e kandidatëve për deputetë, për vjedhje të votave brenda partive.
Akuza për vjedhje të votave gjatë numërimit të tyre ka bërë edhe kandidati i AAK-së për deputet Burim Ramadani.
