Kampionët e Botës kanë vuajtur shumë përballë Suedisë, duke shënuar fitore me përmbysje të rezultatit, dhe duke e shënuar golin e fitores në minutën e 95’ të ndeshjes.
Ndeshja më mirë nisi për suedezët, që golin e epërsisë ndaj gjermanëve e shënuan në minutën e 32’, kur Toivonen paraboloi nga afërsia Manuel Neuer.
Gjermanët dhanë sinjalet e para me të filluar pjesa e dytë, kur barazuan me të sapo inkuadruarin Marco Reus për 1:1 në minutën e 52’.
Kur u mendua se Gjermania po përballet me një nga eliminimet më të rënda viteve të fundit nga garat e mëdha, ishte Toni Kroos që mori guximin të ekzekutojë një goditje dënimi në minutën e 95’, duke shënuar golin e fitores, për 2:1.
Me këtë fitrore Gjermania numëron 3 pikë, aq sa ka edhe Suedia, ndërsa Meksika kryeson me gjashtë pikë, kur ka mbetur edhe një xhiro për t’u zhvilluar.
