Komuna e Junikut ka potenciale te veta turistike që ne te ardhmen ta shohim si vend atraktiv për zhvillimin ekonomik e veçanërisht për promovimin e turizmit.
Turizmi në komunë e Junikut është shtylla kryesore e zhvillimit ekonomik. Potenciali turistik i Komunës së Junikut është ngushtë i lidhur me pozitën gjeografi dhe vlerat kulturore, arkeologjike dhe natyrore të cilat paraqesin një potencial të madh për zhvillimin e turizmit.
Tashmë Juniku ngadalë është duke u shndërruar ndër vendet me atraktive për turistët në Kosovë, e sidomos për ata që vijnë nga shtetet e huaja, të cilët mbesin të befasuar me bukurit e Junikut dhe bjeshkëve të saja.
Aktualisht komplekset dhe zonat më të vizituara nga turistët janë: Maja e Gjeravicës me dy liqejt natyror, lumi Erenik, Moronica, Kullat, Teqetë, etj. Vlenë të theksohet se njëri ndër atraksionet në këtë vend është lumi Erenik i cili kalon afër parkut Moronica dhe e bënë shumë të veçant këtë zonë.
Turizmit në Junik është i lidhur edhe me bjeshkët të cilat janë të përshtatshme për zhvillimin e sporteve dimërore dhe rekreative (ngjitje në bjeshkë), liqenet e bukura të Gjeravicës, burime e rrjedha lumenjsh, gryka dhe me pyje të larta.
Gjithashtu Juniku ka një faunë të shumëllojshme, që nuk mund të hasen në vende tjera, e që gjithashtu kërkohet përkujdesje për ta ruajtur këtë mrekulli natyrore.
Të gjitha këto po i japin atraktivitet komunës së Junikut. Vlenë të theksohet se, kësaj zone i duhet përkushtim që të jetë në vëmendjen e investitorëve dhe shumë turistëve në të ardhmen. Me këtë Komunë udhëheqë Agron Kuçi, i cili me entuzizmin e tij, ka arritë ta transformojë këtë zonë dhe ta kthej në njëren nga pikat më strategjike të Kosovës.
