Kandidati i LDK-së për deputet, Izet Sadiku ka përkujtuar presidentin historik Ibrahim Rugova në 19-vjetorin e vdekjes së tij.

Sadiku e ka cilësuar Rugovën si njeri me vizion strategjik që ishte i angazhuar për ndërtimin e shoqërisë së drejtë e të paqes, nëpërmjet fjalëve, mençurisë dhe veprave.

Postimi i tij:

Në ditëvdekjen e Presidentit Rugova, përkujtojmë dhe nderojmë figurën më të rëndësishme të historisë së Kosovës.

I njohur për vizionin e tij strategjik dhe aftësinë për të mbajtur qëndrim të pathyeshëm në momentet më të vështira, ai na dha shpresë dhe na frymëzoi të besojmë se një ditë Kosova do të ishte e lirë dhe e pavarur.

Punën dhe angazhimin e tij për të ndërtuar një shoqëri të drejtë e të paqes, Rugova e bëri përmes fjalës, mençurisë dhe veprës. Ai ishte njeri i thjeshtë, por udhëheqës i jashtëzakonshëm.

Duke e njohur atë nga afër, ndjej sot se trashëgimia e tij është e gjallë dhe se e vërteta dhe dashuria për atdheun janë më të forta se kurrë.