Ka afro dy muaj, kur i pari i Shëndetësisë aprovoi kërkesën për importimin e tyre.
E në mesin e këtyre medikamenteve, që në Klinikat e QKUK-së pacientëve po u propozohet t’i marrin për të luftuar virusin korona, është edhe ilaçi i parë anti-COVID që e miratoi BE, i njohur si Remdesivir.
Ky i fundit, besohet se arrin të parandalojë zhvillimin e mëtejmë të virusit korona.
Që nga fillimi i shtatorit Remdesivir po shitet në Kosovë me çmime të ndryshme, varësisht nga shteti që po importohet.
Një nga dy ilaçet e aprovuar në Evropë kundër koronavirusit që është përdorur kohët e fundit gjithashtu për të trajtuar Presidentin e SHBA Donald Trump (dokument), po shitet në Kosovë deri në 320 euro.
Qytetarët kanë filluar ta blejnë atë, nepër barnatoret e vendit.
E gjendja jo e mirë e një familjari të tij, e solli që ta blejë medikamentin që po konsiderohet si goxha i shtrenjtë.
Për dy ampula ai pagoi 400 euro.
Çmimore të njejtë ky lloj i medikamentit që vjen nga dy vende, ka për të gjithë ata që duan ta blejnë në Kosovë.
Por një remdesivir që vije nga shteti i Turqisë, ka çmime të ndryshme.
E çmimi më i lirë i këtij medikamenti, është 81 euro.
Prapa kamerave, familjarë që qëndronin tek Klinikat e QKUK-së, duke u kujdesur për familjarët e tyre, i kanë treguar televizionit se medikamentin Remdesivir e kanë paguar edhe deri në 320 euro.
T7 ka tentuar të marrë një përgjigje nga Ministria e Shëndetësisë në lidhje me atë se a e kanë menduar ata sigurimin e këtij medikamenti, mirëpo të njëjtit nuk kanë dhënë ndonjë përgjigje konkrete.
Vetëm kanë bërë të ditur se me datën 1 shtator të këtij viti, MSH ka lehtësuar procedurat për terapitë për trajtimin e covid 19.
Sidoqoftë, ky ilaç nuk është siguruar nga Ministria e Shëndetësisë për klinikat ku ka të shtrirë pacientë me covid 19. Kjo e fundit, ka arritur të sigurojë një medikament ekuivalent me të lartpëmendurin.
Por cili është efekti i këtij ilaçi që po shitet me çmime të ndryshme në barnatoret në vend, e tregon infektologu Sali Ahmeti.
T7 ka tentuar të marrë një përgjigje nga Agjencia Kombëtare e Barnave dhe Pajisjeve Mjekësore, aty dhe ku bëhet regjistrimi i barnave në lidhje me cilësinë e medikamentit në fjalë, mirëpo të njëjtit nuk kanë kthyer ndonjë përgjgije.
As nga Dogana e Kosovës nuk kanë pranuar të tregojnë, se sa shpesh është importuar ky medikament në Kosovë.
https://video.gjirafa.com/ilaci-per-te-luftuar-virusin-korona-shitet-nga-81-euro-deri-ne-320
