Visar Hoti, ish deputet i LDK’së ka akuzuar se i kanë vjedhur votat, në zgjedhjet e 14 shkurtit, shkruan Gazeta Metro.
Hoti, publikoi disa dëshmi përmes të cilave tregoi se votat e tij në zgjedhjet e fundit janë vjedhur.
“Vetëm në kutin 1815E/01R më janë tjetërsuar 44 vota, ku edhe përkundër ankesës sime që e kam bërë në PZAP, sot morra përgjigjejen së ankesa më është refuzuar për shkak se gjoja nuk paskam ofru dëshmi të mjaftueshme. E çfarë dëshmish tjera duhet me ju ofru këtyre’’, shkroi Hoti.
Ky është postimi i tij i plotë:
“Vetëm në kutin 1815E/01R më janë tjetërsuar 44 vota, ku edhe përkundër ankesës sime që e kam bërë në PZAP, sot morra përgjigjejen së ankesa më është refuzuar për shkak se gjoja nuk paskam ofru dëshmi të mjaftueshme. E çfarë dëshmish tjera duhet me ju ofru këtyre, Formulari i Rezultateve të Kandidatëve (shih foton) dëshmon se në këtë vendvotim kam pasur 48 vota, ankesës i kam bashkangjit edhe deklaratat e komisionerëve se kam pasur po këtë numër të votave në këtë kuti, ndërsa në rezultatet preliminare të KQZ më figurojn vetëm 4 vota.
Kjo është e papranueshme dhe përtej saj, KQZ po devijon vullnetin e qytetarëve, prandaj RINUMRIMI i votave është i pashmangshëm nëse duam që procesi ta mbyllet fer”.
