Ish-kryeministri Avdullah Hoti ka thënë se buxheti i Kosovës për vitin 2023 me terma real është më i ulët sesa në vitin e kaluar, pra vitin 2022 për së paku 300 milionë euro.

Me anë të një postimi në Facebook, ai ka thënë se për shkak të inflacionit prej rreth 20% për produkte të konsumit bazik, buxheti nominal për vitin 2023 prej 3.2 miliardë euro, është në fakt rreth 2.5 miliardë euro në terma real.

“Krahasojeni vetë sasinë e mallrave që e keni blerë vitin e kaluar me 100 euro, me sasinë e mallrave që mund të blini sivjet me ato 100 euro. Do të vini në këtë përfundim”, ka shkruar Hoti në Facebook.