Mërgim Vojvoda është zyrtarizuar këto ditë si lojtari më i ri i klubit të njohur italian, Torino
Zakonisht historitë se si një futbollist ka vuajtur shumë gjatë fëmijrëisë vijnë nga Amerika Latine, por një rast të ngjashëm e kemi edhe në Kosovë, shkruan Reporteri.net
Mërgim Vojvoda nuk ka pasur një fëmijëri të lehtë, pasi familja e tij mori një vendim për t’u larguar nga Kosova në mënyrë ilegale.
”Jetuam disa muaj në pyll për t’i shpëtuar bombave. Udhëtuam me traktorë, u fshehëm në qese gruri. Kemi fjetur nën yje, duke luftuar kundër urisë dhe etjes,” ka deklaruar Vojvoda në të kaluarën.
“Pas lufte kur kemi dalur nga Kosova për në Evropë, Mërgimi ka qenë i vogël edhe para se me ardhë në Belgjikë në të zezën, kemi përjetuar shumë gjëra duke kaluar madje edhe nëpër male dhe 6 muaj kemi qëndru në Çeki,” kishte thënë Gazmendi për Reporterin.
“Mërgimi ka qenë i sëmurë edhe e patën ndalë në një spital në Çeki, edhe tash ky u kanë i vogël atëherë ka qajt nonstop se vetë në spital edhe kur kemi shkuar të nesërmen me pa në spital Mërgimi i thoshte nënës ‘Më ka bërtit doktoresha se nuk kam dasht me i pi hapat, edhe ma ka fut një shuplakë’.
Futbollisti 25 vjeçar pas pak ditësh do të nis aventurën te klubi i tij më i ri, Torino, i cili mposhti Atalantan në garë për shërbimet e tij.
Vojvoda që pati shumë vështirësi në fëmijëri tani po shijon ditët më të mira në karrierë si futbollit duke bërë hapin e madh me kalimin në Serie A.
