Gjatë tërë natës është raportuar për luftime në Kiev në ditën e tretë të përpjekjeve të forcave ruse për të marrë territorin dhe qytetet kryesore ukrainase.
Deri më tani forcat ukrainase kanë arritur t’u rezistojnë përpjekjeve të tyre, shkruan BBC, transmeton Gazeta Online “Reporteri.net”.
Në kryeqytetin Kiev, pati sulme me raketa gjatë natës, por forcat ukrainase mbajtën nën kontroll qytetin.
Beteja për kontrollin e kryeqytetit të Ukrainës ka nisur me goditjen e një ndërtese me apartamente nga një raketë në orët e para të mëngjesit të sotëm.
Ministria e Mbrojtjes e Mbretërisë së Bashkuar tha gjatë ditës se forcat e Vladimir Putin mbeten më shumë se 30 km larg qendrës së qytetit të Kievit.
Forcat ruse tani mund të rigrupohen pas një përpjekjeje fillestare të dështuar për të depërtuar në rrethet kryesore në Kiev, thotë Jack Watling, ekspert ushtarak për BBC.
Në qytetin lindor të Kharkiv, qyteti i dytë i Ukrainës, zyrtarët thonë se trupat kanë luftuar kundër një sulmi rus. Ata kanë lëshuar një alarm granatimi, duke paralajmëruar qytetarët që të mos lëvizin nëpër qytet.
Ka pasur edhe përleshje pranë qytetit jugor të Odesës, njoftoi Presidenti Zelensky.
Rusia thotë se ka pushtuar qytetin juglindor të Melitopolit, por Britania e Madhe ka hedhur dyshime mbi pretendimin
Presidenti ukrainasa tha se qytetet perëndimore dhe qendrore, përfshirë Lviv, ishin shënjestruar me sulme me raketa.
Nëpërmjet një harte të publikuar nga BBC shihen zonat se ku janë të përqendruara luftimet:
