Kryetari i Aleancës për Ardhmërinë e Kosovës (AAK), Ramush Haradinaj, ka thënë se votimi i qeverisë së Maqedonisë së Veriut është një lajm shumë i mirë, duke arrë parasysh marrëdhëniet e mira fqinjësore “që kemi zhvilluar bashkë”.

“Uroj përzemërsisht kryeministrin Zoran Zaev për qeverinë e re dhe shpresojmë se kjo qeveri do të vazhdojë politikat euroatlantike, që do të ndikojnë në forcimin e shtetit dhe mirëqenien e qytetarëve si dhe zhvillimin e mëtutjeshëm të fqinjësisë së mirë me Kosovën. Po ashtu uroj të zgjedhurit shqiptarë, që dita ditës po marrin më shumë përgjegjësi atje. Urime!”, ka shkruar Haradinaj në llogarinë e vet në “Facebook”.