Kryetari i Aleancës për Ardhmërinë e Kosovës, Ramush Haradinaj i ka bërë thirrje qytetarëve serbë të Kosovës të mos bijnë pre e politikave, siç i ka quajtur ai “shkurtpamëse”, shkruan Gazeta Online Reporteri.net.

Përmes një postimi të bërë në Facebook, Haradinaj thotë se Ura e Ibrit duhet të jetë simbol i një jete të përbashkët.

“Ndarjet e përplasjet na rikthejnë në memorie të kaluarën e tragjeditë tona”, ka shkruar Haradinaj në Facebook.

Postimi i plotë:

Qytetarë serbë të Kosovës,

Urat dhe rrugët duhet të na lidhin e jo të na ndajnë. Mos u bëni pre e politikave shkurtpamëse e të protestoni kundër lëvizjes së lirë.

Ura e Ibrit duhet të jetë simbol i një jete të përbashkët e të pa alternativë.

Liria e lëvizjes si vlerë universale është e sotmja dhe e ardhmja.

Ndarjet e përplasjet na rikthejnë në memorie të kaluarën e tragjeditë tona.