Ai për të përditshmen madrilene “El Pais”, ka shtuar se Kosova është një rast krejt ndryshe.
“Nuk ka asnjë analogji të mundshme mes Kosovës dhe Katalonisë. Vendosja e kësaj ngjashmërie do të thotë shpërfillja e historisë ose interpretim i keq. Nuk mund të krahasohet dhuna nën regjimin e Millosheviqit me sundimin e ligjit spanjoll; duke e bërë atë është edhe ofenduese. Spanjë është një demokraci e avancuar. Rasti ynë rrjedh nga shpërbërja, përmes luftërave tragjike të ish-Jugosllavisë, në vitet e 90-ta. Ka një ndryshim të thellë: Kemi luftuar mbi të gjitha për të drejtat themelore të njeriut. Nuk është rasti i Katalonis”, ka thënë ai në një intervistë për këtë gazetë.
Sipas kësaj gazete, Haradinaj me vendosmëri ka përsëritur se Kosova nuk do ta njohë pavarësinë e Katalonisë.
Intervista e tij, vjen pasi kryeministri spanjoll, Mariano Rajoy kishte deklaruar se do të vendos veto ndaj deklaratës evropiane ku përfshihej edhe Kosova, e cila pritet të nënshkruhet në Samitin BE- Ballkani që do mbahet më 17 maj në Sofje.
Këtë ai e ka vlerësuar si një gjë të panevojshme.
