Kryeministri Ramush Haradinaj ka thyer heshtjen duke mbajtur konferencë për media për arrestimin e Marko Gjuriqit pas mbledhjes së Këshillit të Sigurisë.
Haradinaj ka thënë se MPJ kishte vendosur që të ndaleshin kushdo që ka tentuar të hyjë në Kosovë pa leje, duke mos folur rreth raportimeve të fundit se Presidenti Thaci kishte urdhëruar.
“Janë proceduar standarde MPJ e ka refuzuar hyrjen në Kosovë, në këtë rast MPB e ka zbatuar urdhrin, kuptohet kryetari i qeverisë e ka monitoruar gjendjen. Çdo sekondë kam qenë në dijeni për procesin”, ka thënë Haradinaj.
“Sikur Gjuriq të priste 72 orë kish mujte me ardhë”, ka thënë Kryeministri Haradinaj lidhur me arrestimin e zyrtarit të lartë serb.
“Nuk është cështje e tregimit të forcës, por të zbatimit të ligjit”, ka thënë tutje kryeministri lidhur me urdhërdhënien.
