Kryetari i AKK-së, Ramush Haradinaj ka kërkuar nga institucionet qendrore në Prishtinë për ngritjen e gatishmërisë pas vërshimeve në disa komuna.

Haradinaj ka njoftuar se me shqetësim ka përcjellë situatën e krijuar pas përmbytjeve dhe vërshimeve.

“Me shqetësim po e përcjell situatën e krijuar pas përmbytjeve dhe vërshimeve në Rrafshin e Dukagjinit, Skenderaj e Mitrovicë, ku dëmet kanë përfshirë infrastrukturën e tokat bujqësore. Apelojmë tek institucionet qendrore në Prishtinë për ngritjen e gatishmërisë për t’i qëndruar afër autoriteteve komunale dhe qytetarëve të prekur nga kjo fatkeqësi natyrore.” – ka shkruar Haradinaj në Facebook.