Ministrja e Jashtme e Kosovës u ka shkruar letër ambasadorëve të vendeve të QUINT-it në lidhje me veprimet e fundit të shtetit serb karshi gjetjes së trupave të shqiptarëve të vrarë nga forcat serbe në luftën e fundit në Kosovë.
Në këtë letër, Haradinaj ka shprehur indinjatën e saj për mos-reagimin e komunitetit ndërkombëtar ndaj sjelljeve destruktive të Serbisë si dhe deklaratave të fundit të ministrit të Jashtëm serb, Ivica Daçiq, në formë kërcënimi për serbët të cilët po zbulojnë varret e shqiptarëve të vrarë nga Serbia, shkruan lajmi.net.
Haradinaj në këtë letër po ashtu ia ka rikujtuar QUINT-it se Kosova pret drejtësi për 13 mijë viktimat e vrara në luftë, përfshirë këtu gra, pleq e fëmijë.
Pasë parasysh deklaratat e Daçiqit dhe sjelljen e Serbisë që nga paslufta në raport me gjenocidin e kryer në Kosovë, Haradinaj ka kërkuar nga QUINT-i që të ndërmarrë veprime për këto deklarata që vijnë nga Beogradi.
“Kjo është letra ime për ambasadorët e QUINT-it për veprimet e fundit të turpshme të qeverisë serbe karshi viktimave Kosovare-Shqiptare të luftës së fundit në Kosovë”, ka shkruar ajo në Tëitter.
