Kryeministri Ramush Haradinaj dhe kryetari i Këshillit Kombëtar të Nismës, Jakup Krasniqi thuhet se do të intervistohen nga prokurorët e Speciales nesër në ora 09:30.
Gazetar të RTV Dukagjinit, nga Haga kanë raportuar se po mbahen fshehtë detaje të intervistimit të komandantëve e ushtarëve të UÇK’së.
“Haradinaj e Krasniqi do të paraqiten në zyrën e Prokurorit Special në ora 09:30, por nuk dihet sa do të zgjasë intervistimi i tyre. Një gjë e tillë thuhet se varet nga përgjigjet e tyre”, raportojnë gazetarët e këtij mediumi nga Haga.
Avokati i Shukri Bujës në një përgjigje dhënë për këtë media ka thënë se nuk është i autorizuar të flas për media lidhur me klientin e tij.
Sipas analistit, Astrit Gashi, avokatët po i këshillojnë klientët e tyre që të mbrohen në heshtje.
