Kryeministri në dorëheqje, Ramush Haradinaj, ka dorëzuar në Kuvend zyrtarisht letrën e dorëheqjes.

Sot, kryeministri në dorëheqje i Qeverisë së Kosovës, Ramush Haradinaj, ka dorëzuar në Kuvend zyrtarisht letrën e dorëheqjes së tij.

Siç bëhet e ditur në njoftimin për medie, letra e dorëheqjes u është proceduar menjëherë anëtarëve të Kryesisë së Kuvendit dhe kryetarëve të grupeve parlamentare.

Është paralajmëruar që Haradinaj zyrtarisht sot do t’ia dorëzojë letrën e dorëheqjes edhe presidentit të vendit, Hashim Thaçi, mirëpo deri më tani ende nuk e ka dorëzuar.