Trajneri i Manchester Cityt Pep Guardiola thotë se mund ta fitojnë sërish Ligën e Kampionëve dhe që janë duke garuar me Real Madridin dhe Bayern Munichun.

“Qytetarët” siguruan kualifikimin në çerekfinale të Ligës së Kampionëve duke eliminuar Copenhagen me rezultat të përgjithshëm 6:2.

Pas ndeshjes, Guardiola për “CP” ka deklaruar se beson që City mund ta fitojë Ligën e Kampionëve, por që s’është aspak e lehtë.

“Jemi një skuadër që beson se mund ta fitojmë. Jemi duke garuar me Real Madridin dhe Bayern Munichun. Nëse luan kundër Bayernit dhe shikoni historinë e tyre në Ligën e Kampionëve… iu frikësohemi shumë”.

“Për ne është ëndërr që jemi këtu. Iu them lojtarëve, ndoshta nuk është e mjaftueshme për ju, por për mua çdo herë që kaloj fazën e grupeve them “Woww”. Nuk e dinë sa vështirë është. Sa të komplikuar ishte Copenhagen, mënyrën si mbroheshin”.

“Shikoni Madridin, vuajtën ndaj Leipzigut dhe në të kaluarën kur luajtëm ndaj tyre, njerëzit thanë “është e lehtë”, por nuk është. Është shumë vështirë”.

“Nuk e di se me kë do të përballemi, është çështje kohe dhe do ta shohim. Gjëja më e rëndësishme është se jemi në çerekfinale për të shtatin vit radhazi. Jemi jashtëzakonisht të lumtur që jemi ende në të gjitha kompeticionet”.

Ndërkohë, më 15 mars Man City do ta mësojë kundërshtarin për çerekfinale, si dhe gjysmëfinalen e mundshme.