Ish i dërguari special i Shtëpisë së Bardhë për dialogun mes Kosovës dhe Serbisë, Richard Grenell, ka krëkuar që të krahasohen rrethanat në këtë proces mes kohës së Trumpit dhe Bidenit.

“…jam shumë i shqetësuar që Kurti po refuzon idetë amerikane, vazhdon t’i refuzojë idetë evropiane dhe nuk po pëson pasoja. Kjo do të vazhdojë derisa të mos ketë presion nga ShBA-ja…”– u shpreh z. Grenell në fjalën e tij të transmetuar nga Kosovo-Online.

Ai pati kritika edhe për moszbatimin e marrëveshjeve të tregtisë së lirë që ishin arritur gjatë kohës së tij.

Sipas tij, administrata aktuale ka dërguar njerëz të nivelit më të ulët politik në çështjen e dialogut duke i lënë efektivisht evropianët që të merrnin kontrollin e procesit.

Grenell pati kritika edhe për planin franko-gjerman duke thënë se është i padetajuar.