Gjermania dëshiron të investojë 1.5 miliardë euro në luftën kundër pandemisë covid 19. Mbi të gjitha, shpërndarja në mbarë botën e vaksinave duhet të mbështetet.
Gjermania dëshiron të mbështesë luftën globale kundër virusit korona me 1.5 miliardë euro të tjera. Qeveria federale bëri një angazhim përkatës të Premten në samitin dixhital të grupit G7, siç njoftoi Ministri Federal i Financave Olaf Scholz (SPD) në Berlin. Ai foli për një “sasi të madhe” e cila, ndër të tjera, duhet të mbështesë iniciativën ndërkombëtare Covax. Kjo mbron një shpërndarje të drejtë të vaksinave në mbarë botën.
“Kjo rrit financimin ndërkombëtar për vaksinat, medikamentet dhe testet me mbi 30 %, ”shpjegoi Scholz”. “Vetëm me mbrojtjen përmes vaksinimit, do jemi të sigurt kudo në botë “. Me këto deklarime, Gjermania e bën të qartë se : “Ajo mbështete dhe qëndron në anën e vendeve më të varfra”.
Aleanca e vaksinave Gavi, së bashku me Organizatën Botërore të Shëndetësisë (OBSH) dhe aleancën e hulumtimit të vaksinave CEPI, është përgjegjëse për iniciativën ndërkombëtare Covax. Kjo iniciativë dëshiron të sigurojë që njerëzit në vendet e varfëra gjithashtu mund të mbrojnë veten nga Covid-19. Transmeton Gazeta Projekti.
Sipas Ministrisë Federale të Zhvillimit, vendet e pasura deri më tani kanë siguruar dy të tretat e dozave të vaksinës, edhe pse ato përbëjnë vetëm 16 përqind të popullsisë së përgjithëshme të botës. Deri më tani, 0.5 % e vaksinimeve kunder covid 19 janë kryer vetëm në vendet më të varfra.
Pak para samitit virtual të G7, BE dhe SHBA kishin njoftuar miliarda shtesë në ndihmë për programin global të vaksinimit Covax për të luftuar pandeminë covid 19. Washingtoni pohoi poashtu shumen rreth 3.3 miliardë eurove, ndërsa Brukseli premtoi të dyfishojë kontributet në një miliard euro. Transmeton Gazeta Projekti.
Në konferencën në internet të kryetarëve të shteteve dhe qeverive të shtatë vendeve kryesore të industrializuara (G7), bashkërendimi i masave kundër pandemisë ishte një temë qendrore. //Gazeta Projekti//
