Vazhdon të mbetet njëra prej këngëtareve më të dashura për publikun, pavarësisht se është pjesë e tregut muzikor prej vitesh.
Fjala është për artisten nga Gjilani, Genta Ismajli, e cila thuajse në çdo postim të saj rrëmben vëmendje, duke vënë në pah linjat atraktive.
Së fundmi, e njëjta është duke i shijuar disa ditë të mira pushimi në Turqi dhe nga atje nuk ka hezituar të ekspozojë fizikun joshës.
Ajo ka hedhur një fotografi nga shtrati në llogarinë e saj zyrtare, Instagram, derisa shfaqet tërheqëse në kostumin prej leopardi.
Genta nuk ka vënë ndonjë përshkrim më shumë, duke u lënë hapësirë fansave për reagime rreth kësaj pamje atraktive.
“Zjarr” përndryshe mbetet projekti i fundit i lansuar nga këngëtarja shqiptare, të cilin e solli në muajin mars dhe mori mbi dy milionë shikime.
Veç tjerash, Genta akoma dhuron spektakël me paraqitjen e saj ekstravagante në mbrëmje e koncerte të ndryshme përreth trojeve shqiptare.
