Gara politike ndërmjet Lumir Abdixhikut dhe Bedri Hamzës është bërë një nga temat më të diskutuara në Kosovë. Abdixhiku, kryetar i Lidhjes Demokratike të Kosovës i cili po garon për kryeministër dhe Hamza, kandidat i Partisë Demokratike të Kosovës në anën tjetër përfaqësojnë dy figura me profile të ndryshme politike, por me ambicie të ngjashme për të rritur ndikimin e tyre politik dhe për të fituar besimin e qytetarëve, shkruan “Gazeta Projekti”.
Abdixhiku, një lider i cili po ballafaqohet për herën e par në politikën kosovare, ka sjellë një frymë të re dhe përpjekje për reformim brenda LDK-së. Nëpërmjet ideve të tij për modernizim dhe përfshirje të brezit të ri, ai ka tërhequr një pjesë të madhe të rinisë dhe të intelektualëve të cilët shohin tek ai një lider që kërkon të bëjë ndryshime strukturore dhe të sjellë stabilitet në skenën politike.
Në anën tjetër, Bedri Hamza, me një përvojë të gjatë në ekonomi dhe menaxhim publik, ka ndërtuar një reputacion të fortë si një drejtues i aftë dhe një ekspert në fushën e financave. Hamza është parë si një figurë që mund të ofrojë stabilitet ekonomik dhe përvojë institucionale, një avantazh i rëndësishëm për një vend që kërkon të zhvillojë ekonominë dhe të forcojë institucionet.
Por, si qëndron puna në rrjtetet sociale konkretisht në “Facebook” me arrtijten e pëlqimeve. “Gazeta Projekti” ka bërë një analizë ku ka parë se në garën për pëlqime në Facebook mes Lumir Abdixhikut dhe Bedri Hamzës, në tre postimet e tyre të fundit, Bedri Hamza ka arritur të grumbullojë më shumë pëlqime. Konkretisht, Abdixhiku ka marrë gjithsej 7,900 pëlqime, ndërsa Hamza ka marrë 14,100 pëlqime. Kjo tregon një diferencë të konsiderueshme në pëlqime mes tyre, duke i dhënë përparësi Hamzës në këtë aspekt të ndërveprimit në rrjetet sociale. Shikoni më poshtë fotografitë.
