Në aspektin ekonomik Kosova ballafaqohet me një sërë faktorësh të rëndësishëm që ndikojnë në ekonominë e një vendi. Por, cilët janë faktorët më me interes dhe si po shkon vendi ynë drejt përmirësimit ekonomik, Gazeta Projekti ka kontaktuar Fisnik D Berisha, një sipërmarrës i sukesshëm nga Suhareka.
Berisha i cili është edhe CEO i kompanisë “Activa Group”, është deklaruar në aspektin e përgjithshëm se ku janë sfidat kryesore e të bërit biznes në vendin tonë dhe cilat janë ndërlidhjet kryesore të bizneseve.
Ai, është ndalur te roli i kompanive ndërtuese, mungesa e punëtorëve, rritja e çmimeve si dhe normat e interesit të kredive një ndërlidhje e cila duhet të
“Le të analizojmë disa prej këtyre faktorëve dhe rolin e tyre në situatën në të cilën po kalon Kosova, psh roli i kompanive ndertuese të cilat kanë një ndikim të madh në ekonominë e një vendi, ndërtimi i objekteve të ndryshme, si banesa, ndërtesa të bizneseve dhe infrastrukturës, krijon vende pune dhe kontribuon në rritjen e GDP-së (Produkti i Brendshëm Bruto). Në rastin tonë, nëse sektori i ndërtimit është aktiv dhe po zhvillohet, kjo mund të ketë një ndikim pozitiv në gjendjen ekonomike. Pra, sektori i ndërtimit është një pjesë kritike e ekonomisë së një vendi. Në këtë sektor përfshihen të gjitha aktivitetet që lidhen me ndërtimin e objekteve të ndryshme. Zhvillimi i këtij sektori mund të sjellë rritje ekonomike, krijim vende pune dhe kontribon në modernizimin e infrastrukturës”, ka thënë Berisha.
Tutje ai ka folur edhe për një problem kyç me të cilin po ballafaqohen kompani të ndryshme si Mungesa e punëtorëve të cilën e ka klasifikuar si një sfidë në vete
“Mungesa e punëtorëve mund të jetë një sfidë për kompanitë, veçanërisht në sektorin e ndërtimit. Kompanitë duhet ta përpilojnë një strategji afatë gjatë e cila mund të çojë në rritjen e pagave dhe beneficioneve për punonjësit”, është deklaruar Berisha.
Në rolin e bankave në zhvillimin ekonomik të vendit Berisha është ndalur të aplikimi i normave të interesit nga bankat komerciale të Kosovës
“Rritja e normave të interesit në kredinë mund të kenë ndikim në aftësinë e kompanive dhe individëve për të marrë hua. Kjo mund të ndikojë në nivelin e investimeve dhe tregtinë, pasi mund të bëjë më të vështirë për ta financuar aktivitetin e tyre, prandaj duhet të ketë kujdes në aplikimin e normave sepse nga bankat afektohen shumica e bizneseve të cilat veprojnë në Kosovë”,
Berisha ka folur edhe për rritjen e çmimeve në vend, i cili ka një thirrje edhe për qeverinë e Kosovës ku duhet një realizim i një plani konkret drejt stabilitetit të tregut.
“Rrita e çmimeve padyshim që ndikon në zhvilimin e ekonomik të vendit, në këtë rast mund të përmendim dy faktortorë: Psh, kur çmimet e materialeve ndërtimore rriten, kompanitë ndërtuese përballojnë një rritje të kostos së prodhimit të projekteve të tyre. Kjo mund të ulë margjinalitetin e fitimit dhe të bëjë të vështirë për ta mbajtur nivelin e performancës financiare.
Dhe e dyta të themi edhe te shporta e ekonomisë familjare ku që nga fillimi i luftës në Ukrainë kemi pasur një rritje të vazhdueshme të produkteve bazë, gjë e cila ka ndikuar në vështirsimin e ekonomive familjare. Prandaj, thirrjet drejt qeverisë duhet të jenë që ta bëjnë një plan i cili do ti mbronte kompanitë dhe konsumatorin me ndonje strategji të mirëfilltë”,
Ka përfunduar Berisha në një prononcim ekskluziv për portalin online, “Gazeta Projekti.
