Kandidati për deputet nga Partia Demokratike e Kosovës (PDK), Ferat Shala, ka zhvilluar një takim në Mitrovicë, ku bashkë me bashkëluftëtarë, miq dhe mbështetës të tjerë është angazhuar për një mobilizim maksimal drejt zgjedhjeve të 9 shkurtit.
Në një postim në rrjetet sociale, Shala ka theksuar rëndësinë e këtij takimi, duke e cilësuar si një moment të fuqishëm besimi dhe mbështetjeje nga qytetarët për një Kosovë më të mirë. Ai gjithashtu ka përmendur edhe kandidatin Bedri Hamza, duke theksuar përkushtimin e përbashkët për fitoren e PDK-së.
“Si kudo që kam qenë në këtë muaj, edhe në Mitrovicën e Bedri Hamzës e ndjeva besimin e qytetarëve se Kosova mundet më mirë,” ka shkruar Shala.
Ai ka ftuar qytetarët që më 9 shkurt të votojnë #PDK131 dhe të mbështesin vizionin e tij për të ardhmen.
