​Më 9 qershor, Argjentina do të luajë me Izraelin, 7 ditë para fillimit të Kupës së Botës, Rusia 2018.

Një grup prej 70 fëmijëve palestinezë i ka shkruar një letër Leonel Messit me të cilën i kërkojnë që të mos marrë pjesë në këtë ndeshje miqësore në stadiumin Teddy Kollek në Izrael.

Letra është dërguar më Ambasada e Argjentinës në Izrael. “A është logjike që heroi jonë Leonel Messi do të luajë në një vend që është i ndërtuar mbi varre të njerëzve tanë?” kanë shkruar ata në këtë letër.

Kundër që Messi të paraqitet në miqësore me Izraelin, është edhe Presidenti i Federatës së Futbollit të Palestinës, Jibril Rajoub. Ai madje ka kërkuar që të i digjet fanella yllit të Barcelonës nëse zbret në fushë.

“Ai është simbol i madh dhe ai është caku kështu që i kërkojmë të gjithëve që të djegin fotot, fanellat, ta braktisin atë”, tha ai.“Ende shpresojmë që Messin të mos vij”. /Gazeta Express/