Kampioni i Kosovës në fuqi, Ballkani, ka njoftuar se Ilir Daja nuk do të jetë më në krye të klubit.
Në një njoftim në rrjetet sociale, thuhet se trajneri ka konsideruar se nuk ka më çfarë të japë për klubin. Shkruan Gazeta Projekti.
Ballkani tashmë është në kërkim të një trajneri të ri, ku kanë thënë se si klub i madh që janë do ta bëjnë zgjedhjen e duhur, për të vazhduar me ambicie të njëjta, në ndjekje të çdo trofeu.
Në fund të komunikatës u tha se ecuria me trajnerin Daja do të jetë etapë e rëndësishme e historisë së klubit.
Komunikata e plotë e Ballkanit
Faleminderit Ilir Daja!
Për mbi dy vjet e gjysëm kemi rrugëtuar bashkë, me shumë punë, suksese, shumë trofe e përjetime të mëdha.
Tifozë të dashur, pavarësisht se në vazhdimësi kemi qenë të dakorduar për të vazhduar edhe më tej bashkë, tashmë ish-timonjeri ynë ka konsideruar se nuk ka më shumë çfarë të jap për klubin tonë.
FC Ballkani është klub i madh dhe duke qenë i tillë, do ta bëj zgjidhjen e duhur edhe në krye të shtabit teknik, gjithmonë me të njejtat ambicie e objektiva, në ndjekje të çdo trofeu.
Kurse ecuria e Ballkanit me trajnerin Daja në krye të skuadrës, do të mbetet etapë shumë e rëndësishme e historisë tonë.
Faleminderit kampion!
