Këngëtari i njohur Fatmir Miroci, në bashkëpunim me Veprim Imerin, sjellin një këngë të re emocionuese kushtuar dëshmorit dhe luftëtarit të lirisë nga Juniku, Arif Gjocaj. Kjo vepër muzikore është një homazh për jetën, veprën dhe sakrificën e tij në shërbim të atdheut, shkruan Gazeta Projekti.
Me tekst dhe melodi që ngjallin ndjenja të thella, kënga synon të ruajë gjallë kujtimin për Arifin dhe të përcjellë brezave të rinj mesazhin e qëndresës dhe dashurisë për vendin.
Ky projekt artistik, i realizuar me përkushtim dhe ndjenjë, është dëshmi se kujtimi për heronjtë tanë mbetet i paharruar dhe frymëzues.
