Këngëtarja e mirënjohur e muzikës popullore Artiola Toska mbrëmjen e djeshme ka qenë një nga të përzgjedhurat nga Bashkia e Tiranës, për të performuar në sheshin ‘Nënë Tereza’ me rastin e 100 vjetorit të shpalljes së Tiranës si kryeqytet i Shqipërisë.
Por siç u pa ajo nuk mori pjesë në koncert sepse pak orë para nisjes së koncertit këngëtares i ka ndodhur një fatëkeqësi familjare ku ka humbur një nga personat më të shtrejtë.
Sipas burimeve të ‘Anabel’ i ati këngëtares ndërroi jetë pasi vuante prej shumë kohësh nga një sëmundje.
Ndarja nga jeta e tij, ka bërë që Artiola të anulojë edhe koncertin recital që do të mbante këtë muaj.
