Ministri i Jashtëm i Shqipërisë, Ditmir Bushati, ka paralajmëruar se kryeministrit Edi Rama javën e ardhshme do të takohet me kancelaren gjerman Angela Merkel.
“Javën tjetër do të ketë një takim Rama-Merkel. Në Gjermani ka deputetë të ndryshëm që kanë qëndrime të ndryshme, por është qeveria ajo që flet dhe përfaqëson shtetin në arenën ndërkombëtare”, u shpreh Bushati në emisionin “Top Show”, duke iu përgjigjur deklaratës së Lulzim Bashës i cili tha se grupi më i madh parlamentar gjerman, ai i kancelares Angela Merkel është dyshues për hapjen e negociatave të anëtarësimit për Shqipërinë.
