Kombëtarja e Uruguait ka fituar me rezultat 3-0 ndaj nikoqirëve të Rusisë në ndeshjen e tretë të vlefshme për Kupën e Botës “Rusia 2018”.
Uruguai ka përfunduar grupin A me nëntë pikë, pasi ka mposhtur edhe Rusinë, pas Egjiptit dhe Arabisë Saudite, duke u kualifikuar me vend të parë në këtë grup.
Se kombëtarja ameriko-latine ishin hyrë për ta fituar ndeshjen e tregoi edhe goli i hershëm nga Luis Suarez, i cili shënoi në minutën e 10-të një gol të bukur nga goditja e dënimit për 1-0.
Suarez shënoi një supergol (Getty Images)
Në minutën e 23-të erdhi edhe goli i 2-0 për Uruguain, pasi pas një goditje të fortë nga distanca të Diego Laxakt, ishte Denis Cheryshev, i cili devijoi topin që përfundoi në rrjetë.
Festa e Laxalt pas golit të dytë (Getty Images)
Kur pritej që nikoqirët të kthehen në lojë ata u penalizuan pasi mbrojtësi i tyre Igor Smolnikov u ndëshkua në minutën e 36-të me kartonin e kuq, pas dy të verdhëve, duke i lënë të tijët me 10-lojtarë.
Smolnikov mori të kuqin (Getty Images)
Në pjesën e dytë, uruguaianët arritën të menaxhonin mirë lojën duke krijuar kohë pas kohë raste për gol, ndërsa Rusia provonte të befasonte me ndonjë kundërsulm.
Cavani gjeti golin e parë në Rusi (Getty Images)
Megjithatë, edhe përkundër mundësive nga të dyja kombëtareve, ishin vetëm Uruguai që gjeti golin e tretë me anë të Edinson Cavanit (90′), i cili me golin e tij nga afërsia vulosi rezultatin përfundimtar 3-0.
Pas kësaj fitore, Uruguai kualifikohet nga Grupi A me vendin e parë, me nëntë pikë, ndërsa Rusia si e dyta me gjashtë pikë, duke lënë pas vete Egjiptin dhe Arabinë Saudite. /Telegrafi/
