“Ai është një djalë shumë i zgjuar. Unë sigurisht që do ta bëja, nëse ai do të dëshironte ta bënte këtë. Ai është një djalë brilant”, ka thënë Trump kur u pyet nëse do t’i ofronte Musk një pozicion këshillues.

Ndryshe, thashethemet për bashkimin e Musk në një administratë të dytë Trump kanë qenë të përhapura muajt e fundit, përcjell Telegrafi.

Në maj, The Wall Street Journal tha se Musk kishte folur me Trump për t’u bashkuar me qeverinë e tij.

Musk hodhi poshtë raportin e The Journal në një postim X, duke thënë se “nuk ka pasur asnjë diskutim për një rol në një Presidencë të mundshme Trump”.

Por Musk duket se e ka zbutur qëndrimin e tij për të punuar për një administratë të mundshme Trump.

Gjatë transmetimit të tij të drejtpërdrejtë me Trump javën e kaluar, Musk theksoi se do të ishte i prirur të shërbente në një komision të mundshëm të efikasitetit të qeverisë nëse Trump zgjidhet përsëri president.

“Mendoj se do të ishte mirë që thjesht të kishim një komision qeveritar për efikasitetin që do t’i hedhë një sy këtyre gjërave dhe thjesht do të siguronte që paratë e fituara me vështirësi t taksapaguesve të shpenzohen në një mënyrë të mirë, dhe unë do të isha i lumturë t dihmoja në këto gjëra”, tha gjatë intervists me Trump.

Musk nuk është emri i parë që Trump ka përmendur publikisht për kabinetin e tij.

Në korrik, Trump i tha Bloomberg Businessweek se CEO i JPMorgan Jamie Dimon “është dikush që unë do ta konsideroja” si sekretar të thesarit.

Një javë më vonë, ai u tërhoq nga deklarata.

Ish-presidenti tha në një postim të Truth Social më 23 korrik se ai “asnjëherë nuk diskutoi, apo mendoi” të kishte Dimon si sekretarin e tij të thesarit.