Zëdhënësja e Policisë së Kosovës për rajonin e Prishtinës, Flora Ahmeti, ka thënë për lajmi.net se policia për rastin e ka marrë informatën në orën 14:00.

“Rreth ores 14:00 e kemi pranuar informatën për një incident zjarri në një ndërtesë (garazhë) në rrugën Muharrem Fejza në Prishtinë”. Bazuar në të dhënat fillestare nuk raportohet për persona të lënduar”, ka thënë ajo.

Ajo ka thënë se zjarri nga vetura, më pas është përhapur në objekt.

“Zjarrfikësit dhe policia menjëherë kanë dalë në vendin e ngjarjes,  ku  dyshohet se fillimisht është djegur  një veturë dhe më pas zjarri është përhapur në objekt”, ka thënë ajo.

“Zjarri është lokalizuar, për detaje rreth rastit do të njoftojeni pasi që njësitet kompetente të përfundojnë ekzaminimet e vendit të ngjarjes”, ka thënë Ahmeti.