Ambasadori i Shteteve të Bashkuara të Amerikës (ShBA) në Prishtinë, Greg Delawie, ka thënë se dialogu në mes të Kosovës e Serbisë ka sjellë përfitime për shtetin e Kosovës.
Delawie në konferencën “Skenari i ‘Finales së Madhe’ për dialogun mes Kosovës e Serbisë”, ka thënë se dialogu nuk ka alternativë për të arritur një zgjidhje mes të dy shteteve.
“Dialogu mes Kosovës e Serbisë, ka sjell me të vërtetë përfitime të mira për vendin. Nuk ka ndonjë alternativë përveç negociatave dhe kompromisit mes të dyja vendeve. ShBA-ja mbështet aspiratat e Kosovës e Serbisë për t’u bashkuar në Bashkimin Evropian”, ka thënë Delawie .
