Kreu i diplomacisë serbe, Ivica Daçiq ka njoftuar se ka zhvilluar disa takime gjatë qëndrimit të tij në Washington. Ministria e Punëve të Jashtme të Serbisë, bën të ditur se Daçiq ka zhvilluar takime edhe me Chollet dhe Escobar.

Siç thuhet në njoftimin e tyre, Daçiq ka marrë sigurinë e SHBA-së se “besojnë që Asociacioni duhet të formohet” dhe se amerikanët “vlerësojnë shumë pozicionin konstruktiv të Serbisë në kuadër të dialogut Prishtinë-Beograd”.

Në fotografitë e publikuara, Daçiq shihet që ia ka bërë një dhuratë emisarit amerikan për Ballkanin Perëndimor, Gabriel Escobar.