Ylli i arteve marciale, Connor McGregor raportohet se është arrestuar në Corsica të Francës, raporton Insporti.

Irlandezi është arrestuar në ishull teksa qëllim kishte një udhëtim për të ngritur vetëdijen mbi sigurinë në ujë.

Sipas agjensionit të lajmeve AFP, irlandezi është arrestuar pas akteve të cilat mund të cilësohen si ngacmime seksuale.

Zyra e prokuroit në një njoftim zyrtar shkroi “Pas ankesës së bërë me datën 10 shtator, duke denoncuar akte që mund të cilësohen si sulme seksuale dhe ekspozime seksuale, Connor Anthony McGregor ishte subjekt i një intervistimi nga policia”.

Ende nuk dihen detaje të tjera mbi rastin.

Connor McGregor së fundmi kishte postuar fotografi nga porti i Calvi, së bashku me të dashurën e tij, Dee Devlin.