Sekretari i Shtetit i ShBA-së, Antony Blinken, dhe sekretari i Jashtëm i Mbretërisë së Bashkuar, David Lammy, arritën të mërkurën në Kiev për bisedime me udhëheqës ukrainas.
Ukraina i ka shtyrë partnerët për ta përshpejtuar asistencën dhe për ta lejuar Kievin që të përdorë armë me rreze të gjatë për të sulmuar thellë brenda territorit të Rusisë, raporton gazeta “The Guardian”.
Para këtij udhëtimi, Blinkeni dhe Lammy e ngritën shqetësimin për furnizimin e Rusisë me raketa balistike nga Irani.
“Ofrimi i raketave balistike nga Irani në mbështetje të drejtpërdrejtë të luftës së Rusisë kundër Ukrainës është kërcënim ndaj sigurisë evropiane dhe globale”- tha kryediplomati amerikan.
