Duket se këtë herë nuk do të mungojë në ‘Panairin e përvitshëm të Librit’ Blendi Fevziu në rolin e autorit.
Librat e tij kanë qenë atraksione të vërteta për lexuesit dhe frekuentuesit e panaireve letrare sidomos në rastet kur ai ka qenë pranishëm për të autografuar kopjet e botimeve të tij.
Sot në mëngjes në një lidhje direkte me emisionin KafeIN në Intv Fevziu ndër të tjera, i pyetur nga Flavio Qarri, rrëfeu se këtë vit po përgatit për botim një libër të ri në bashkëpunim me kolegun dhe mikun e tij Baton Haxhiu.
Sa i takon temës që do të trajtonte në librin e tij, Blendi nuk preferoi të tregonte më shumë se thjesht do të kishte një libër të ri për publikim edhe pse u ngacmua me pyetje nga Flavio.
