Kandidati për deputet nga Aleanca për Ardhmërinë e Kosovës (AAK), Ukë Blakaj, i njohur si sipërmarrës i suksesshëm dhe numri 37 në listën e partisë, ka zhvilluar një takim me të rinjtë e komunës së Deçanit. Në këtë takim, ai theksoi rëndësinë e angazhimit të rinisë si një nga shtyllat kryesore për të ardhmen e ndritur të Kosovës, shkruan Gazeta Projekti.
Duke ndarë një mesazh në rrjetet sociale, Blakaj shkroi:
“Në Deçan, me rininë e mrekullueshme, e cila përfaqëson shpresën për të ardhmen e Kosovës.”
Takimi i tij u shoqërua me biseda mbi sfidat dhe mundësitë që i prekin të rinjtë, si dhe me premtime për përkrahjen e tyre në realizimin e projekteve që promovojnë zhvillimin dhe inovacionin.
Ukë Blakaj synon të sjellë përvojën e tij si sipërmarrës në skenën politike, duke kontribuar në politikat që fuqizojnë ekonominë dhe brezat e rinj.
