Kandidati për deputet nga radhët e Aleancës për Ardhmërinë e Kosovës, Ukë Blakaj, i cili garon me numrin 37 në listën zgjedhore, njofton se ka zhvilluar një vizitë në Deçan, në konakun e mikut të tij, Avdi Tafilaj, shkruan Gazeta Projekti.
Gjatë kësaj vizite, Blakaj shprehu mirënjohjen dhe respektin për mikpritjen tradicionale shqiptare dhe për kontributin e Tafilajt në çështjet kombëtare. Avdi Tafilaj, i njohur për veprimtarinë e tij humanitare dhe përkushtimin ndaj vlerave kombëtare, është një personalitet që frymëzon përmes shembullit të tij.
Blakaj theksoi rëndësinë e ruajtjes dhe promovimit të traditave shqiptare si pjesë e identitetit dhe unitetit kombëtar.
“Miku im, Avdiu, i cili jeton dhe vepron në Gjermani, është humanist dhe kontribues i madh i çështjes kombëtare, njeri i jashtëzakonshëm që gjithmonë frymëzon me mirësinë dhe zemrën e tij të hapur,” u shpreh Blakaj.
