Jupp Heynckes ka folur para ndeshjes së kthimit Real Madrid – Bayern Munchen në Ligën e Kampionëve.Ekipi bavarez u mposht me rezultat 2:1 në takimin e parë gjysmëfinal, dhe tani në “Bernabeu” i pret punë e vështirë.
Por, tekniku i gjermanëve, Jupp Heynckes, ka thënë se edhe Realin do ta pret punë e vështirë në këtë takim, shkruan gazetametro.net.
“Në futboll, përkushtimi mund të lëvizë malet”, ishte paralajmërimi i Heynckes për Real Madridin.
“Ne duhet të jemi më efikas se në ndeshjen e parë. Kemi shënuar shumë gola gjatë gjithë sezonit dhe shpresoj se mund të tregojmë efikasitetin që zakonisht karakterizon lojën tonë”, tha 72-vjeçari.
“Nesër do të jetë ndeshej shumë e vështirë për ne – por edhe për kundërshtarët. Ekipi im di si të dëshmojë veten në ndeshje të mëdha”, përfundoi Heynckes.
Skuadra e Real Madridit do të jetë pa yllin kryesor, Isco në ndeshjen gjysmëfinale të Ligës së Kampionëve, ndaj Bayern Munchen.
Mesfushori spanjoll mori sot pjesë në seancën stërvitore, por mjekët siç duket vendosën që ai të pushojë disa ditë./gazetametro.net.
