Bayern Munich ka shënuar fitore komode në shtëpi ndaj skuadrës gjermane Bochum (3:0), derisa Borussia Dortmund fitoi kundër Werder Bremenit (0:2) në kuadër të xhiros së 20-të në Bundesliga.

“Bavarezzët” ishin të shkëlqyer duke triumfuar me rezultat 3:0, sfidë që dominuan në të gjitha aspektet nga fillimi.

Choupo-Moting dhe Gnabry kishin nga një rast të mirë nga afërsia në fillimin e ndeshjes, por dështuan t’i konkretizojnë.

Ishte mesfushori Thomas Muller që shënoi një gol të bukur duke mposhtur portierin mysafir nga afërsia (41′) – VIDEO.

Gjatë pjesës së dytë, sulmuesi Kingslay Coman pranoi të pasim të bukur dhe e dërgoi në rrjetë për rezultatin 2:0.

Ndërsa, fitoren e vulosi Serge Gnabry duke qenë i saktë nga pika e bardhë (73′) – VIDEO.

Me këtë fitore, Bayern Munich qëndron në kreun e tabelës me 43 pikë, derisa Bochum renditët në pozitën e 15-të me 19 sosh.

Në anën tjetër, Borussia Dortmund gjithashtu ka dëshmuar që vazhdon të luftojë për titull duke arkëtuar pikët e plota në udhëtim te Werder Bremen pasi fituan me rezultat 0:2.

Ndeshja ishte shumë e baraspeshuar në pjesën e parë, me dy skuadrat që kishin rastet e tyre, mirëpo aspak finalizues.

Ishte Nico Schlotterbeck që gjeti për mrekulli Jamie Bynoi-Gittens, i cili kaloi mysafirët në epërsi (67′).

Ndërsa, Julian Brandt me një goditje fantastike vulosi fitoren pas një asistimi të Raphael Guerreiro (85′).

Dortmund me këtë tre pikësh ngritët në pozitën e dytë me 40 pikë, derisa Werder Bremen qëndron në pozitën e nëntë me 27 sosh.