Ballkani arriti suksesin historik duke u kualifikuar në grupet e Ligës së Konferencës.

Ekipi nga Suhareka arkëtoi rreth 4 milionë euro për këtë arritje, por suksesit të tyre do t’ju gëzohen edhe klubet e tjera në Superligën e Kosovës.

Kjo pasi që UEFA do të ndajë 600 mijë euro për to, rreth 60 mijë euro për secilin ekip.

Pra, një arritje historike e kampionëve të Kosovës, ka bërë që edhe klubet tjera të përfitojnë financiarisht.

Kujtojmë që së fundmi falë suksesit të Ballkanit, edhe Superliga e Kosovës ka shënuar një ngritje historike në ligat evropiane.

Kosova aktualisht renditet liga e 33-të në Evropë.

Sa i përket Ballkanit, ata do të debutojnë në grupet e Ligës së Konferencës këtë të enjte, ku ndeshjen e parë do ta zhvillojnë ndaj rumunëve të Cluj.

Përveç tyre, në grup me Ballkanin janë edhe çekët e Slavia Praga-s dhe Sivaspor nga Turqia.